Nefnd oddvita/sveitarstjóra, hér eftir nefnd NOS, er skipuð af sveitarfélögunum sem eru aðilar að samstarfssamningi um Skóla- og velferðarþjónustu Árnesþings, dags. 18. desember 2013. Nefndin fer í umboði viðkomandi sveitarstjórna með yfirstjórn skóla- og velferðarþjónustunnar eins og nánar er kveðið á um í erindisbréfi.
Yfirstjórn skóla- og velferðarþjónustunnar sem tekur til Skólaþjónustu- og velferðarnefndar Árnesþings og sameiginlegra starfsmanna skóla- og velferðarþjónustu á svæðinu, skal rekin sjálfstætt en á ábyrgð sveitarfélaganna með sama hætti og greinir í 94. gr. sveitarstjórnarlaga nr. 138/2011 með síðari breytingum.
Nefndina skipa oddvitar/sveitarstjórar aðildarsveitarfélaga. Hver sveitarstjórn skal tilnefna einn fulltrúa í upphafi kjörtímabils og einn til vara. Kjörtímabil stjórnar er hið sama og kjörtímabil sveitarstjórna. Stjórnin velur sér formann og skipar með sér verkum að öðru leyti á fyrsta fundi sínum.
Stjórn NOS kjörtímabilið 2022-2026.
Bláskógabyggð:
Helgi Kjartansson, oddviti.
Varamaður: Ásta Stefánsdóttir, sveitarstjóri.
Skeiða- og Gnúpverjahreppur:
Haraldur Þór Jónsson, sveitarstjóri/oddviti og ritari stjórnar NOS.
Varamaður: Bjarni Hlynur Ásbjörnsson, varaoddviti.
Grímsnes- og Grafningshreppur:
Ása Valdís Árnadóttir, oddviti og formaður stjórnar NOS.
Varamaður: Iða Marsibil Jónsdóttir, sveitarstjóri.
Flóahreppur:
Hulda Kristjánsdóttir, sveitarstjóri.
Varamaður: Árni Eiríksson, oddviti.
Hrunamannahreppur:
Aldís Hafsteinsdóttir, sveitarstjóri.
Varamaður: Jón Bjarnason, oddviti.
Hveragerði:
Geir Sveinsson, bæjarstjóri.
Varamaður: Jóhanna Ýr Jóhannsdóttir, forseti bæjarstjórnar.
Sveitafélagið Ölfus:
Elliði Vignisson, bæjarstjóri.
Varamaður: Gestur Þór Kristjánsson, forseti bæjarstjórnar.
